ЫҺЫАХ ЫРЫАТА

М. Тимофеев тыллара

Саргылаах сайыммыт салаллан,
Сайаҕас ыччаттар мустабыт,
Алаастан, куораттан тардыһан
Алгыстаах ырыаны ыллыыбыт.

Xос ырыата:

Ырыабыт кынаттан, көт-күөрэй ыраахха,
Ыҥыртаа бар дьону ыһыахха.
Үөрэҕи, үлэни, үөрүүнү хоһуйан,
Уйгулаах олоҕу уруйдаа.

Кыыдааннаах хотугу дойдуга
Куруук саас сандаарыан туһугар
Күүспүтүн-уохпутун күөртүүбүт,
Көмүһү, алмааһы көрдүүбүт

Xос ырыата.

Өлүөнэ өҥ хочо биэрэгэр
От, бурдук үүннэрэ ыһабыт,
Үөл сирэм үлэттэн чэлгийэр,
Үөрдээтэ ынахпыт, сылгыбыт.

Хос ырыата.
Эйэлээх дьоннорбут биһиги,
Ол иһин саҥаны айабыт,
Саргыбыт-дьаалыбыт биһигин
Сахабыт кыраайын таптыыбыт.

Хос ырыата.