ПОКРОВСКАЙ ТУҺУНАН ЫРЫА Печать    
Христофор Горохов тыллара

Үрүҥ куба сааскы үөрэ
Өрө көтөн эрэринии,
Саҥа сайда, сүрэх үөрэ
Күүттүн миигин эргиллии.
Дойдум, дьонум, төрүт сирим,
Эркээнигэ турар куорат.

Өрүү манна ыраас салгын
Өй дуораанын курдук дьэҥкэ.
Өлүөнэттэн тахсар тыалгын
Куустун ыччат сылаас түөскэ.
Таптал, үөрүү тэҥҥэ сылдьар
Сарсыҥҥыбыт түһүлгэтэ.

Маннык ыһыах түһүлгэтэ
Барыбытын маанылаатын,
Саха, нуучча үҥкүүһүтэ
Кыталыкка майгыннаттын.
Алгыһынан арчыланыый,
Айыллыбыт Ийэ сирим.

Эркээнибит хочотугар
Эрилиэ кустук буолан сырдыыр,
Этигэн хомус иэйиитигэр
Энсэн ыла-ыла ыллыыр.
Дойдум, дьолум, төрүт сирим
Покровскай буоллун өрүү!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).