ЭН СЭРИИ УОТУГАР СҮППЭТИҤ Печать    
Христофор Горохов тыллара

Эн сэрии уотугар сүппэтиҥ,
Этэҥҥэ алааскар эргийдиҥ.
Эйэлээх бу олох үлэтин
Эн чэрдээх илиигэр түһэрдиҥ.
Ол эрэн утуйар улук ууҥ
Олуһун элбэхтик айманар.
Буомбалаан улуйар содуом түүл
Эн түөскэр, санныгар тайанар.

Бу таскар тахсыбат хаһыыттан
Сүрэҕиҥ күөмэйгэр ыйанар.
Сир, халлаан иҥнэстэр быыһыттан
Кэргэниҥ, ол оҕоҥ кыланар.
Көһүнэн сирдэри сүүрбүттүү
Көлөһүн тулаҕар ыһыллар.
Бу соргун, эрэйгин көрбөттүү
Тулаҕар холорук ытыллар.

Эмискэ ким эрэ илиитэ
Эн сүүскэр чуумпутук чугаһыыр:
- Уһугун, олоҕум кэрэтэ..,-
Намыын тыл кулгааххар сипсийэр,
Уһуктуу соһуччу үөрүүтэ
Иккистээн төрүүрдүү минньигэс.
Тапталлаах кэргэниҥ көрүүтэ
Туохтааҕар даҕаны минньигэс.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).