ТЭПТИРГЭЭНЭП ТЭРЭНТЭЙ Печать    
Иннокентий Сосин тыллара

Тэҥнээх доҕор Тэрэнтэй,
Тэптиргээнэп Тэрэнтэй
Барар суолум аттыгар
Бара-кэлэ дьаарбайар,
Кэлэр сирим аартыгар
Көстө-биллэ сынньанар.

Тийээтиргэ Тэрэнтэй,
Тэптиргээнэп Тэрэнтэй,
Көрсүһүөҕун кыбыстар,
Кулгаахтардыын кытарар,
Кэпсэппэккэ да аастар,
Кистии-саба кыҥаһар.

Дьүөгэлэрим кыргыттар
Дьүүллээн ахан эрэллэр:
«Тэптиргээнэп эйиигин
Тэҥнии көрөр», - дэһэллэр.
Араас элбэх сэһэни
Аҕыс аҥыы кэпсииллэр.

Тэптиргээнэп иэдэттэ,
Тэптиргэҥҥэ тириэттэ,
Эдэр, эмньик бэйэккэм
Эҥин тылы иһиттим,
Тоҕо кэлэн кэпсэппэт,
Таптыыр тылын тиэрдибэт?


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).