ТЫЫННААХ ДИЭН ҮЧҮГЭЙ ДАҔАНЫ Печать    
Савва Тарасов тыллара

Күн көрдө, күн үөрдэ!
Күлүмнүү-көрүлүү
Күөх торҕо халлааҥҥа күөрэйдэ.

Быһыыта ол онтон,
Ол онтон санаатым:
Тыыннаах диэн үчүгэй даҕаны!

Чырылыы-чырымныы
Чыычаахтар үөрүнэн
Куттулар үөрүүлээх ырыаны.

Быһыыта ол онтон,
Ол онтон санаатым:
Тыыннаах диэн үчүгэй даҕаны!

Күн киирдэ, күн сүттэ...
Көһүтэн турбуттуу
Үрүҥ түүн налыйан бу түстэ.

Быһыыта ол онтон,
Ол онтон санаатым:
Тыыннаах диэн үчүгэй даҕаны!

Элэҥнэс чыычаахтар
Эн сынньан диэбиттии
Эмискэ ах баран хааллылар.

Быһыыта ол онтон,
Ол онтон санаатым:
Тыыннаах диэн үчүгэй даҕаны!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).