СИБЭККИЛЭР ТҮҺҮҮЛЛЭР Печать    
Савва Тарасов тыллара

Кыһыл көмүс, үрүҥ көмүс,
Аалыы алтан төбөлөрүн
Аллара санньытаннар
Аан дойдуга үгүс өрүс
Абылаҥнаах түүҥҥү сөрүүн
Тыынынан салгыйаллар

Хос ырыата:

Түһүүллэр сибэккилэр,
Сибэккилэр түһүүллэр.

Сиргэ дьоллор төрөөтүлэр
Сиик симэҕин тардыһаннар
Нуоҕайа тыллалларын,
Сордор сүтэ өлөөрүлэр
Суохтарынан, баардарынан
Суоһура түллэллэрин

Хос ырыата.

Хас саҥа ыал аар сэргэни
Анньаарылар ойуур маһын
Билгэлии хаамалларын,
Эрэй дьону-сэргэни
Эмэр тыйыс кыһалҕатын
Элбэтиэҕин баҕарарын

Хос ырыата.

Аны хас сыл хаарын туорааммын
Сылайаммын сынньанаары
Биир кырдалга кэлиэхтээхпин
Уонна бастаан онно туран
Кими ситэн ааспыппын,
Куоппуппун билиэхтээхпин

Хос ырыата.

Кыһыл көмүс, үрүҥ көмүс,
Аалыы алтан төбөлөрүн
Аллара санньытаннар
Аан дойдуга үгүүс-үгүс
Үөрүүлэр үөскүүллэрин
Итэҕэйэр буоланнар

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).