ДАЙДЫЛАР ҮРҮҤ ХОЛУУПТАР Печать    
Иван Артамонов тыллара

Дайдылар үрүҥ холууптар
Төрөөбүт дойду үрдүнэн,
Эйэ кыайыытын туһугар
Сылайбат модун күүстэнэн.
Ити үтүө баҕабыт
Дохсун кынаты үүннэрэн,
Биһиги ыра санаабыт
Суолунан ыраах көттүлэр.

Сир үрдүн эргийэ көтөн
Эйэ холууба кылбаарар.
Сырдык санаабыт түмүллэн
Үөрүүгэ, дьолго тардыһар.
Тапталы, дьолу этэрдии
Күөх сирэм чэлгийэ турдун,
Хараҥа дьайдаах сэриини
Дьон аймах түмсэн утардын.

Кремль уоттаах сулуһа
Эрэллээх суолдьут биһиэхэ,
Саргылаах саха алааһа
Ыытта төлөннөөх эҕэрдэ,
Аан дойду эдэр ыччата,
Эйэни көмүскүү туруҥ.
Атомнай сэрии кутаата
Сабардыыр кутталын бопсуҥ!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).