ТАПТЫЫБЫН ДИЭРИИЙ

Петр Тобуруокап тыллара

Налыйбыт чуумпу чараҥҥа хаамсан
Дьаарбайа сылдьан санныбар уурбут
Таастаах биһилэх тарбаххын хамсатан
Таалбыт сүрэҕим дьар гынар курдук.

Хос ырыата:

Таптыыбын диэриий,
Таптыыбын диэриий,
Таптыыбын диэриий.

Күлүмнүүр долгун күндэлэ күөлгэ
Көҥүллүк устан тыыланан иһэн
Хаастаах хараххын хамсата мичээрдээ
Хамсыыр сүрэҕим тэбэрин курдук.

Хос ырыата.

Сибэкки күөҕүн сэлэйэн кээһэ
Сиэттиһэн иһэн сэрэнэн оргууй
Сибэкки тырым уостаргын сэгэтэн
Сирдээх халлааным сылыйар курдук.

Хос ырыата.