БҮЛҮҮГЭ ҮРҮҤ ТҮҮН Печать    
И.Зверев тыллара

Үрүҥ түүн Бүлүүгэ налыйда,
Үүт тураан үөһэттэн халыйда.
Алартан сөрүүн тыал илгийдэ,
Алаастан аан туман наскыйда.

Үрүҥ түүн, бэлэхтээ миэхэ
Үлүскэн өрөгөй үөрүүнү.
Эймэнэр эдэркээн сүрэххэ
Эриэккэс иэйиилээх түгэни.

Кэрии тыа бигэнэ чуумпурда.
Кытылга күөх иирэ утуйда.
Өрүс, күөл долгуна уоһунна
Үөл-дьүөлгэ мөлбөйө уһунна.

Аар Бүлүү биэрэгэр киирэммин
Аас хатыҥ аннынан хаамабын.
Долгураҥ үрдүгэр тураммын
Долгуйа сэгэрбин күүтэбин.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).