ТААЙЫМА Печать    

Наталья Михалева-Сайа тыллара

Кэтиир – маныыр кэрэ киһим,
Эн буолбатаххын.
Саныыр–ахтар сандал дьолуҥ
Мин буолбатахпын.
Мунчаарабыт дуо эн биһи ол чахчыттан.
Тоҕо эрэ олус тыҥаан сүрэх чуумпурар.
Тоҕо эрэ олус намтаан халлаан ылаарар.
Тоҕо эрэ олус үрдээн,
Сулуспут чаҕыллар.

Хос ырыата:

Таайыма эн харахтарбар,
Тапталга маарынныыр кыымы.
Өйүм–санаам сүрэхпэр сүүйтэрэ,
Күөдьүтүөн куттанар кыымы.

Кэтиир–маныыр кэрэ киһим,
Эн буолбатаххар,
Саныыр–ахтар сандал дьолуҥ
Мин буолбатахпар
Махтанабыт дуо эн биһи дьылҕабытыгар.
Баҕарбаппын мин,
Эйиигиттэн хомойуохпун,
Эн ааккыттан иэйэр дорҕоон,
Дуораанынан олоруохпун…

Хос ырыата.



 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).