ЫЙДАҤА ТҮҮН

Николай Попов тыллара

Үчүгэйиэн, ыйдаах түүн
Тыынан устар – үрэххэ,
Эрчимирдэр эн күлүүҥ
Эрдэн биэрэн истэххэ.

Хос ырыата:

Үчүгэйиэн, үрдүбэр
Үрүҥ туман быыһынан
Кууһуох курдук лабаалар
Хоҥкулдьуһан ылаллар.

Тугу эмэ санаарыый –
Сулус сүүрэр ол үөһэ,
Эн сүрэххин аһаарыый
Бу күһүҥҥү түүн үөһэ.

Хос ырыата.

Ый суолуттан туораамыах –
Дьолу тута устуохха.
Бу күөх түүнү, доҕоччуок,
Ырыа гынан туойуохха.

Хос ырыата.