КӨМҮС КҮҺҮН

Аркадий Алексеев тыллара

Сардаҥалаах сарсыарда
Эйиигин мин көрүстүм.
Ытарҕалаах, күлүм-чаҕыл
Кэрэттэн кэрэ күһүнү.

Хос ырыата:

Тоҕо мин эйиигин
Хайдах өйдөөн көрбөтөмүй?
Эйиигин, эйиигин
Эдэр сааһым ырыатын.

Дорообо, көмүс күһүн,
Дьикти дьэрэкээн, ойуу-бичик.
Долгуйабын кууһуохпун
Нарын, намыын бэйэҕин.

Xос ырыата.

Кылбаа маҥан хатыҥнар
Иһийдилэр, чуумпурдулар,
Иирэ талах лабаалар,
Хоҥкулдьуһа нуоҕайдылар.

Хос ырыата.

Ыйдаҥалаах киэһэлэрбит
Тыһыынчанан сулустара,
Үөрбүт-көппүт харахтара
Таптал уотун сыдьаайдылар.

Хос ырыата.