ГЕРОЙ ПОПОВ ТУһУНАН ЫРЫА Печать    
Марфа Куличкина тыллара

Көмүстээх алмаастаах хотугу кыраайтан,
Саһыллаах, саарбалаах Сахабыт сириттэн,
Төрөөбүт, үөскээбит Баатараҥ сиһиттэн
Барбытыҥ өстөөхтөн дойдугун көмүскүү.

Хос ырыата:

Сүөдэрбит, Геройбут, мохсоҕол буойуммут
Килбиэннээх ааккынан киэн туттан ыллыыбыт.

Саас аайы чэлгийэр айылҕа сирэмэр,
Хонууга долгуйар сибэкки симэҕэр,
Халлаантан кутуллар күөрэгэй тойугар
Сүрэҕиҥ хас биирдии тэбиитэ иһиллэр.

Хос ырыата.

Эн өлбөт үйэлээх олоҕу олордуҥ,
Бар дьоҥҥор мэлдьитин Эн тыыннаах буолуоҕуҥ,
Олоҥхо номоҕор ахтыллан ааһыаҕыҥ
Уол оҕо ат кулун бастыҥа дэтиэҕиҥ.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).