СУОЛГА Печать    
Николай Попов тыллара

Ыраах күүтэр доҕорум
Санааларбар элэҥниир,
Талах ойуур быыһынан
Тиэтэтэрдии мичээрдиир.

Хос ырыата:

Тулабар чыычаахтар
Үөрэллэр-көтөллөр,
Иннибэр дьол суола
Арылла тыргыллар.

Дьиэбэр тиэрдэр суолларым
Дьикти кылгас курдуктар,
Аргыстаһа кэккэлээн
Хаамыстылар хатыҥнар.

Хос ырыата.

Сөрүүн тыалтан уһуктан
Суугунаһар лабаалар
Санаарбыттыы атааран,
Ууммахтаһа хаалаллар.

Хос ырыата.

Сүрэх үөрэр аргыстаах,
Ырыам миэнэ алгыстаах,
Күнү куота мин бүгүн
Доҕоччукпар иһэбин.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).