ДОҔОРБОР Печать    
Николай Попов тыллара

Эйигин кытары сиэттиһэн
Тыал курдук хонууга көтөбүн,
Сугунуур хатыҥҥа сууланан
Сэгэрбин кэрэхсии көрөбүн.

Хос ырыата:

Тырымныы-тырымныыгын,
Ымыылардыын ыллыыгын,
Эргичийэ-мичилийэ
Күнү кытта күлсэҕин.

Сыламныыр бэс сыттаах мыраантан
Сааскы күн куораппар  мичээрдиир.
Көр эрэ, доҕоруом, ыраахтан
Ол Лена сүүрүгэ суһумнуур.

Хос ырыата.

Киэҥ муора куугунун санатан
Күөх тайҕа анныбар долгуйар,
Ол киһи үөрүүбүт ырыата
Үөһээттэн кутулла дуорайар.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).