ЭЙИГИН КЫЫҺЫРЫА ДИЭБЭККЭ Печать    
Петр Тобуруокап тыллара

Эйигин кыыһырыа диэбэккэ
Мин эмиэ суруйан эрэбин,
Сүрэхпин сүрэххэр тиэрпэккэ
Күннэтэ көрдүм мин эрэйи.

Эн сылаас хараххын өйдүүм да,
Иэдэспэр таммахтар түһэллэр;
Эн истиҥ мичээргин саныым да,
Сүрэхпин иннэлэр кэйэллэр.

Эйигин ахтыбат буоллахха,
Аларга татыйык ыллыа суох!
Эйигин ааттаабат буоллахха,
Кэриигэ сибэкки тыллыа суох!

Миэхэ эн эйэҕэс мичээриҥ
Саас күн угуттаах уота эбит,
Аттыбар күлэриҥ-үөрэриҥ
Кыталык ырыатын кэриэтэ!

Сүрэҕим төлөнүн кынаттаан
Бу ырыа суругу суруйдум,
Тыыннаахтыы, чыычаахтыы чырыптаан
Уйатын дууһаҕар тутуннун!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).