ТАПТЫЫРГА БУРУЙ СУОХ Печать    
Петр Тобуруокап тыллара

Хаамаргын одуулуу хааларбар
Хараҕым буруйдаах үһү дуу,
Алааскар күннэтэ барарбар
Атаҕым буруйдаах үһү дуу?

Буруйа үһү дуу кулгааҕым
Эн эрэ күлэргин истэрэ,
Буруйа үһү дуу тарбаҕым
Эн илииҥ сылааһын күүтэрэ?

Буруйдаах эн кэрэ дьүһүнүҥ,
Күөх чэчир көнөтө көрүҥүҥ,
Буруйдаах мин диэки көрбүтүҥ,
Кыратык кыбыста түспүтүҥ.

Буруйдаах биир киэһэ пааркаҕа
Сүүспуттэн кумаары туппутуҥ,
Эмискэ төгүрүк иэдэспэр
Көлөһүн түспүтүн соппутуҥ.

Хаамаргын одуулуу хааларбар
Хараҕым буруйдаах үһү дуу,
Алааскар күннэтэ барарбар
Атаҕым буруйдаах үһү дуу?


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).