ААН ДОЙДУ ЫЧЧАТЫН СҮРЭҔЭ Печать    
Иван Гоголев тыллара

Аан дойду ыччатын сүрэҕэ
Бу куора түөһүгэр тиҥийэр.
Аан дойду хатыҥын суугуна
Бу куорат саадыгар силлиэрэр.

Хос ырыата:

Аан дойду хатыҥын лабаата
Хас чараҥ аайытын куустустун.
Аан дойду бэһиэлэй ыччата
Доҕордуу илиитин тутустун.

Аан дойду чыычааҕын ырыатын
Аҕалбыт курдуктар кыргыттар.
Аан дойду хотойун кынатын
Уларсан кэлбиттэр уолаттар.

Хос ырыата.

Аан дойду муоратын долгуна
Уулусса аайытын эҥсиллэр.
Аан дойду былааҕын куугуна
Болуоссат үрдүнэн иһиллэр.

Хос ырыата.

Ханнык да күүстээх тыал оччоҕо
Суулларыа суоҕа күөх ойууру.
Ханнык да модун күүс оччоҕо
Кыргыбат буолуоҕа бар дьону.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).