ЭЛГЭЭЙИ Печать    
Иван Алексеев тыллара

Уйгуну уһансар совхозтаах,
Аатырар айылҕа музейдаах,
Бөҕөстөн, быһыйтан удьуордаах,
Дорҕоонноох ырыалаах-тойуктаах.

Хос ырыата:

Мин кэскилгэ дьулуурум,
Мин төрүт Ийэ буорум,
Мин эрэллээх эркээйим –
Мин таптыыр Элгээйим!

Үөрэх, өй уотунан сырдааҥҥын,
Эдэртэн эйэтин ылаҥҥын,
Кырдьаҕас алгыһын тутаҥҥын,
Кэхтибэт кэрэни айаҕын.

Хос ырыата.

Үүт үрэх сүүрүктүү кутуллар,
Үрдүктэр инники дабааннар,
Күөгэйэ хамсыыллар күөх тыалар,
Тыалырар от, бурдук муората.

Хос ырыата.

Дьон-сэргэ ыһыаххар чуоҕустун,
Оһуокай дьиэрэйэ туруохтун,
Йэ-саас, дьол-эйэ тосхойдун,
Үс сахам төрүөҕэ ууһуохтун.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).