ЫҺЫАҔЫ КӨРБҮЧЧЭ МУНЧААРАН Печать    
Семен Данилов тыллара

Ыһыаҕы көрбүччэ мунчааран,
Өрдөөҕү ырыаҕын ыллаама.
Хахтыйбыт баастарбын хаҕылаан,
Таптыырдыы «атаар» диэн аймаама.

Алааска ол бочур сибэкки
Куйаастан нусхайа куустуспут,
Олоххо оттон эн биһикки
Атын дьон дьоллоро буолбуппут.

Биһиги суолларбыт барбыттар
Хайыһар суолунуу хайдыһан:
Холбоһон биир буолан хаалбакка,
Арахсан даҕаны барбакка.

Кэрэтиэн, эн көрүүй, бу халлаан!
Бу тунах! Бу сайын самаана!
Ххтыйбыт баастарбын хаҕылаан,
Таптыырдыы «атаар» диэн аймаама.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).