САРСЫАРДААҤҤЫ ЫРЫА Печать    
Иннокентий Сосин тыллара

Сарсыарда кылбайа сырдаабыт,
Сардаҥа сырдыга сыдьаайбыт,
Үөр куба үп-үрүҥ былыттар
Үрэллэ-ытылла көппүттэр.
Көччүтэр көр ырыам уһуктар,
Көҕүтэ, көҕүтэ кутуллар
Тапталым, эн эрэ, эн эрэ.
Көҕүтэ, көҕүтэ кутуллар
Тапталым, эн эрэ, эн эрэ.

Күөрэгэй ырыата дьырылыыр,
Күн сирин кэрэтин ырыаллыыр,
Көлүччэм үрдүгэр үөл үөттэр
Көҕөрө, көйгүөрэ үөрбүттэр.
Эдэр саас дьолунан оргуйар,
Эриэккэс музыка кутуллар
Таптаабыт табыллыа, табыллыа.
Эриэккэс музыка кутуллар
Таптаабыт табыллыа, табыллыа.

Дорҕоонноох тойуктар тобуллан,
Доҕору айхаллыы туойаллар,
Сир ийэм сирэмэ арыллар,
Сиэдэрэй санаалар төрүүллэр.
Мин ырам кустуга угуйар,
Манньыта, уоскута уһуйар,
Таптаһа тиэтэй даа, тиэтэй даа.
Манньыта, уоскута уһуйар,
Таптаһа тиэтэй даа, тиэтэй даа.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).