КҮҺҮҤҤҮ СЕРЕНАДА Печать    
Николай Попов тыллара

Ый тахсан күөх түүҥҥэ
Көччүйэ күндээрэр,
Хаһыҥтан сир үрдэ
Бүтүннүү дьиримниир.
Харыйалар суол тула
Хараара чөрбөһөн
Ый ыраас уотунан
Кыламныы тураллар.

Хос ырыата:

Тула өттүм чөмчүүк таас сулустар
Кырачаан мөлүйүөн үгүстэр.
Дьүрүһүйэр күһүҥҥү серенада
Мин санаам долгуйар музыката.

Сандаарар ый уоттаах
Чараҥым быыһынан
Сымнаҕас сэбирдэх
Кырсынан хаамсабыт,
Күлүгү көрүнэр
Көлүччэ уутугар
Ый көмүс эгэлгэ
Оһуорун түһэрбит.

Хос ырыата.

Күһүҥҥү тымныы түүн
Сылаастык тыынаҥҥын,
Эн миэхэ тапталгын
Килбиктик эппитиҥ.
Саһархай сэбирдэх
Сытынан тунуйан,
Дууһабын уйгуурда
Нарыннык кууспутуҥ.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).