ТОХТОО, СҮТЭН ХААЛЫМА Печать    
Иван Ороһуунускай тыллара

Хара харах кыымыттан
Хаарыан дууһам хамсаата,
Хампа суһуох долгутан
Хаҥыл сүрэх ыллаата.

Хос ырыата:

Таптал уоттаах тырыма,
Тохтоо, сүтэн хаалыма.
Таптал уоттаах тырыма,
Тохтоо, сүтэн хаалыма.

Кыыһа буспут имнэриҥ
Куппун-сүрбүн тутууһук,
Көмүс аалыы тиистэриҥ
Күлэр-үөрэр буолууһук.

Хос ырыата.

Арай көстө түстэргин
Хотой буолан дайыаҕым,
Аптаах тылы эттэргин
Хомус тардан ыллыаҕым.

Хос ырыата.

Хаһан эрэ көрсүөхпүт,
Хаттаан эмиэ өйдүөхпүт
Омун санаа иэйиитин
Олус, олус кэрэтин.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).