ТАПТАЛЛААҔЫМ ХАННАНЫЙ? Печать    
Николай Попов тыллара

Кэрэ чыычаах ырыалаах
Күүтэр хатыҥ чараҥым
Куруук миэхэ сипсийэн
Кистээн оргууй ыйытар:

«Аналлааҕыҥ хайдаҕый,
Тапталлааҕыҥ ханнаный?»

Килбик дэтэр мимозам
Үүнэр үгүс сиригэр,
Кэрэ сыттаах мин розам
Киэргэл буолар киинигэр

Аналлааҕым тиийиэ дуо?
Тапталлааҕым буолуо дуо?

Сахам Сирин ырыата
Суугунаата аар тайҕа,
Сардаананы саната
Сэгэртэйбэр туойдаҕа

Аналлаагым эн истиий,
Тапталлааҕым эн кэлиий.

Уоттаах сулус таламмын
Суһуохтаргар хатыаҕым,
Илиигиттэн ыламмын,
Чараҥнарбар хаамыаҕым.

Аналлаахпар этиэҕим,
Тапталлааҕым эн диэҕим.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).