КҮӨХ СОЛКО БЫЛААТТААХ КЫРГЫТТАР Печать    
Петр Тобуруокап тыллара

Кэриини кэрийэ
Киэҥ суолга тэнийэ
Кэккэлии хаампыттар,
Имнэрэ тэтэрэ,
Иэдэстиин мичээрэ
Күөх солко былааттаах кыргыттар.

Үөр чыычаах курдуккут,
Үөл чараҥ курдуккут,
Үөрүү, дьол курдуккут,
Ырыаҕыт ырааһыан,
Ыраҕыт сырдыгыан,
Күөх солко былааттаах кыргыттар!

Үөһэ күн мичилэ,
Күөлгэ уу дьиримэ,
Манна сир сирэмэ.
Уой, хантан иһэҕит,
Уой, ханна тиийэҕит,
Күөх солко былааттаах кыргыттар!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".