ДЬОКУУСКАЙ Печать    
Наталья Михалева тыллара

Тохсунньу налыйбыт киэһэтин
Тырымнас киэргэлэ буоланнар,
Дьокуускай оҕуруо уоттара
Доҕоруҥ кэлиэ диир этилэр.

Дууһабар чугас дьол сыдьаайан,
Долгуйа күүппүтүм ол чааһы.
Элбэх дьон аалсыһар сиригэр
Эрэлтэн кынаттаах көппүтүм.

Болуоссат үрдүгэр уот чаһы
Болдьохтоох кэрдииһи ыйбыта,
Тулабар соһуччу чуумпуруу
Тулаайах ыйытыым курдуга.

Тапталтан толору сүрэҕим
Эмискэ дьалкыйан ылбыта,
Туохтааҕар да күүстээх диир иэйиим
Төлөнө оргууйдук өспүтэ.

Тохсунньу налыйбыт киэһэтин
Тырымнас киэргэлэ буоланнар,
Дьокуускай оҕуруо уоттара
Доҕоруҥ кэлиэ диир этилэр.

Мин алҕас эрэммит куоратым
Мунчаара одуулуур уоттара
Хоргуппут таммахтар буоланнар
Харахпар силбэһэ түстүлэр.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).