ТАММАХТАР Печать    
Василий Дедюкин тыллара

Таммахтар, таммахтар, таммахтар,
Чурулуу-чурулуу таммахтар,
Күн уотун күүһүттэн тиллэннэр
Көйгүөрэн, көйгүөрэн эрэллэр.

Хос ырыата:

Саас кэллэ, саас кэллэ дэһэллэр,
Сырдыктар, сырдыктар, сэргэхтэр,
Кырыысам үрдүттэн кылыйсар
Кылыкын, кылыкын таммахтар.

Турабын аһаҕас түннүккэ,
Турабын, турабын, көрөбүн:
Таммахтар, үөрэллэр-көтөллөр,
Мин эмиэ, мин эмиэ үөрэбин.

Хос ырыата.

Ырааһын салгыммыт биһиэнэ,
Тыыныахха, тыыныахха чэбдигин,
Таммахтар сүрэхпэр саҕаллар
Күн өспөт, күн өспөт чаҕылын.

Хос ырыата.
 


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).