ТАПТАЛЛААХ КУОРАТЫМ Печать    
Николай Босиков тыллара

Таас таманнаах уулуссалар
Күөҕүнэн суугунууллар...
Түннүк аайы сибэккилэр
Харахтыы мичээрдииллэр.

Хос ырыата:

Бу мин таптыыр, ахтар, саныыр
Дьоһун-мааны дьолум төрдө
Дьокуускайым, ыллыыр-айар
Тапталлаах куоратым,
Дьокуускайым, Дьокуускайым!

Кыырпа маҥан, куба маҥан
Куоратым сандаарыйар,
Сибэккини сула ыһан
Сир ийэм талбаарыйар.

Хос ырыата.

Сардаҥаны өрө уунан
Күн үрдүү көтөн тахсар,
Үлэ, үөрүү аргыстанан
Сырдыктар болуоссаттар.

Хос ырыата.

Эрчимнээхтик эргичитэн
Эдэр саас ыллыыр-туойар,
Кэрэ кыыһы мичилитэн
Куоратым сандаарыйар.

Хос ырыата.
 


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).