КҮӨРЭГЭЙДИИН КӨРСҮҺҮҮ Печать    
Петр Тобуруокап тыллара

Эриэккэс да ырыа
Үөһэттэн кутуллар,
Оо, кэрэ да санаа
Сүрэхпэр уһуктар.

Мин көтүөх курдукпун,
Кынатым ханнаный?
Мин ырыам-тойугум,
Күүрүөххэр хайдаҕый?

Дорообо, күөрэгэй,
Тойуксут чыычааҕым,
Куппахтаа сүрэхпэр
Төлөннөөх ырыаҕын!

Өйдүүгүөн, мин эмиэ
Ыллаһыах буолбутум,
Күндүттэн күндүнү -
Олоҕу туойбутум.

Эн миигин ыҥыртыҥ
Күн күөнүн анныгар,
Аламай сааскыны
Айхаллыыр тойуккар.

Мин эмиэ сүрэҕим
Ырыаны таптаата,
Эн курдук үрдүккэ
Талаһа сатаата.

Дорообо, дорообо, дорообо, күөрэгэй!  


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).