КӨМҮС КҮҺҮН Печать    
Аркадий Алексеев тыллара

Сардаҥалаах сарсыарда
Эйиигин мин көрүстүм.
Ытарҕалаах, күлүм-чаҕыл
Кэрэттэн кэрэ күһүнү.

Хос ырыата:

Тоҕо мин эйиигин
Хайдах өйдөөн көрбөтөмүй?
Эйиигин, эйиигин
Эдэр сааһым ырыатын.

Дорообо, көмүс күһүн,
Дьикти дьэрэкээн, ойуу-бичик.
Долгуйабын кууһуохпун
Нарын, намыын бэйэҕин.

Xос ырыата.

Кылбаа маҥан хатыҥнар
Иһийдилэр, чуумпурдулар,
Иирэ талах лабаалар,
Хоҥкулдьуһа нуоҕайдылар.

Хос ырыата.

Ыйдаҥалаах киэһэлэрбит
Тыһыынчанан сулустара,
Үөрбүт-көппүт харахтара
Таптал уотун сыдьаайдылар.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).