САХА БӨҔӨСТӨРҮН ЫРЫАТА Печать    
Степан Дадаскинов тыллара, Павел Акимов мелодията

Өрүүтүн өрөгөй аргыспыт
Өбүгэ саҕаттан ыҥырар,
Самныбат саргыбыт-дьаалыбыт
Саас-үйэ тухары дуорайар.

Хос ырыата:

Сахабыт кыраайа, эн чиэскин,
Сахабыт кыраайа, эн ааккын
Буулаҕа сарыҥҥа, быыппастар былчыҥҥа
Көтөҕөн күөрэтэн иһэбит!

Омуктар бэртэрин даҕаны
Охторор бөҕөстөр буоллубут,
Атьн сир махталын, тапталын,
Айхаллаах уруйун ылабыт.

Хос ырыата.

Эрчиллэн, эриллэн биһиги
Эрбэххэ этиҥи иитэбит.
Буһаммыт-хатаммыт биһиги
Бухатыыр эрэттэр дэтэбит.

Хос ырыата.

Санньыйар, чаҕыйар сатаммат,
Сүрэхпит биир бигэ сокуоннаах:
Олоҥхо дойдутун оҕото
Охтубат соргулаах буолуохтаах.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".