ДАБАЙДАР ДАБАЙАН ИҺИЭҔИҤ Печать    
Петр Тобуруокап тыллара

Күөх быраан хайаҕа ыттыаҕыҥ.
Күн диэки чугаһаан ылыаҕыҥ.
Үөһэттэн ырааҕы көрүөхпүт.
Өлүөнэ киэҥиттэн үөрүөхпүт.

Хос ырыата:

Дабайдар дабайан,
Дабайан иһиэххэ.
Күн көмүс уотуттан
Көтөҕөн түһүөххэ.

Үрдүктэн илиини даллатан
Үрүмэ салгыҥҥа дайыахпыт.
Солко быыс кустугу арыйан
Сулустар хастарын ааҕыахпыт.

Хос ырыата.

Ыҥырар солотуу саҕахха
Ырыабыт чыычааҕа көтүөҕэ.
Ийэ-сир кый-ыраах муннугар
Эйэҕэс эҕэрдэ тиэрдиэҕэ.

Хос ырыата.

Илиигин аҕалыый эн миэхэ,
Истиҥник мичээриий эн миэхэ.
Быраан күөх ыллыгын хаһыахха,
Былыттаах очуоска тахсыахха.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).