МИН ТАПТЫЫБЫН СААҺЫ Печать    
И. Артамонов тыллара

Мин таптыыбын сааһы,
Кини чаҕыл күнүн,
Ньургуһуммут хаары
Кыайар модун күүһүн.
Мин таптыыбын Лена
Хоту устар мууһун,
Халлаан сырдык иэнэ
Түһэр ыраас уутун.

Мин таптыыбын алаас
Ыалдьытымсах ыалын,
Миэхэ өрүү сылаас
Сылабаардаах чэйин,
Мин таптыыбын отуу
Көрдөөх-нардаах уотун,
Көҕүтүһэн оту
Охсор совхоз дьонун.

Мин таптыыбын сааһы,
Кини чаҕыл күнүн,
Ньургуһуммут хаары
Кыайар модун күүһүн,
Мин таптыыбын олох
Устан ааһар тыаһын,
Сааскы Лена курдук,
Бэйэм эдэр сааспын
Мин таптыыбын!



 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).