Ефим Михеев (самодеятельнай композитор)

1927 сыллаахха Бүлүү оройуонугар Чочу нэһилиэгэр төрөөбүтэ. Идэтинэн учуутал. Саха АССР оскуолатын үтүөлээх учуутала.
Ырыа мелодиятын суруйуунан 1956 сылтан дьарыктаммыт. «Үрүҥ түүҥҥү үрүмэччи», «Эмээхсин баҕата» диэн бастакы ырыаларынан Саха сирин ыччатын маҥнайгы фестивалыгар ыытыллыбыт мелодистар конкурстарыгар кыттан, иккис миэстэҕэ тиксибитэ. Уонунан ырыалара норуот айымньытын Дьиэтин, республикатааҕы радиокомитет фондаларыгар киллэрилиннилэр, бэчээккэ таҕыстылар. Кини дэгиттэр идэлээх: ырыаһыт, скрипкаһыт, народнай театр самодеятельнай артыыһа, самодеятельность ветерана. Үгүс конкурстарга, фестивалларга кыттан лауреат, дипломант үрдүк ааттарын ылары ситиспитэ. 1982 сыллаахха самодеятельнай композитор аата иҥэриллибитэ.
Ефим Михеев айар ырыаларын саха биллиилээх поэттарын Петр Тобуруокап, Моисей Ефимов, Иван Гоголев уо. д. а. хоһоонноругар суруйбут.